ដោយមានមហិច្ឆិតាចង់ក្លាយជា “នារីធាត់បំផុតលើលោក” ជាហេតុនាំឲ្យ Susame សំរេចចិត្តរៀបការជាមួយបុរសជាចុងភៅម្នាក់។ នាងសង្ឃឹមថា វិធីនេះ នឹងធ្វើឲ្យនាងត្រូវបានបំប៉ន... ហើយប្រែសុបិន្តទៅជាការពិត។
Paker “បញ្ចុក” អាហារពេលព្រឹកឲ្យភរិយាខ្លួន
សព្វថ្ងៃនេះ Susame Eman អាយុ ៣៣ឆ្នាំ មានទម្ងន់ ៣៤៣ គីឡូក្រាម។ ប៉ុន្តែកាលពីឆ្នាំទៅមិញ ម្តាយរបស់ក្មេង២រូបៗនេះ បានប្តេជ្ញាឈានទៅរកទម្ងន់ ៧៣០ គីឡូក្រាម។
Sumsame បានស្គាល់ Parker Clack អាយុ ៣៥ឆ្នាំ តាមរយៈអ៊ីនធើណែត កាលពីឆ្នាំទៅមិញ។ អ្នកទាំងពីរ ក៏ចាប់ផ្តើមលេងសារអ៊ីម៉ែលទៅវិញទៅមក។ ប៉ុន្មានខែថ្មីៗនេះ Parker បានរើមកនៅរួមក្នុងដំបូលផ្ទះជាមួយម្តាយកូន Susame នារដ្ឋ Arizona ប្រទេសអាមេរិក។
Parker ឲ្យដឹងថា គេចូលចិត្តស្ត្រីដែលមាន “រាងកាយយក្ស” និងគាំទ្រសុបិន្តក្លាយជាស្រ្តីធាត់បំផុតពិភពលោក របស់ Susame ។
បច្ចុប្បន្ននេះ Susame នៅតែផ្ទះ ហូប និងដេក។ នាងមានអារម្មណ៍សុភមង្គលខ្លាំងណាស់ ហើយពោលថាៈ យើងខ្ញុំជាគូដែលទេវតាប្រទាន។ ខ្ញុំចូលចិត្តហូប រីឯ Parker ចូលចិត្តធ្វើម្ហូប។ ខ្ញុំចង់ក្លាយជានារីធាត់បំផុតពិភពលោក ហើយ Parker គាំទ្រខ្ញុំយ៉ាងខ្លាំង។
ចំណែក Parker វិញ បានជួយ Susame ធ្វើកិច្ចការផ្ទះ ហើយតែងរំលឹកលើកទឹកចិត្តឲ្យនាងដើរលេង និងហែលទឹក ដើម្បីសុខភាពមាំមួន។ លោកពោលថាៈ ខ្ញុំក៏ខ្វល់ខ្វាយចំពោះសុខភាពរបស់ Susame ដែរ ប៉ុន្តែរាល់ពេលបានបរិភោគ នាងពិតជាសប្បាយណាស់។
Susame សកម្មក្នុងការចលនា ដើម្បី “ធាត់តែមាំមួន”
តាមវេជ្ជបណ្ឌិត នាងមានសុភមង្គលទាំងស្រុង ប៉ុន្តែអ្នកណាក៏ដឹងថា កំពុងយកជីវិតទៅភ្នាល់លេង។
ប្រសិនបើ អនុវត្តបានដូចសុបិន្ត គឺ ៧៣០ គីឡូក្រាម នោះគឺនាងបានវ៉ាផ្តាច់ Carol Am Yager អ្នកដែលកំពុងរក្សាឯកត្តកម្មពិភពលោក តែ Carol ក៏បានស្លាប់ពីឆ្នាំ១៩៩៤ ដោយសារខ្សោយក្រលៀន ព្រោះធាត់ពេក។
Susame ចង់បញ្ជាក់ថា គាត់ពុំមែនជារឿងអាក្រក់បំផុតទេ នាងមានជំនឿថា នឹងឈ្នះព្រហ្មលិខិត ព្រោះនាងបរិភោគអាហារប៉ូវ ហើយក៏ហ្វឹកហាត់ចលនាសរីរាង្គ កាត់បន្ថយភាពទ្រមក់៕
3811 Hits 
3746 Hits 
3488 Hits 
3267 Hits 
3148 Hits 
3111 Hits 
2985 Hits 
2733 Hits 
